一年前既今日, 我做左一個決定......

所有野都已經唔同晒, 我亦唔會同以前一樣........

整個星期都悶係屋企, 好彩星期五六都有好朋友仔約我, 唔係一定悶死我!!

星期五, 好似返到去以前中學時代咁, 3個傻婆一齊去剪頭髮, 真係好攪笑, 之後再搵埋呀康食飯, 嘻嘻哈哈左一晚, 好似搵返一d失落左既快樂.......人就算點變, 見返老朋友, 總會同以前一樣...

星期六晚, 難得齊人食飯, 放題, 叫左好多野食, 有人明明話食得晒, 點知都係有剩....下次都係玩返d運動好, 唔可以下下都飲飲食食嫁嘛! 要健康d!! 不過下次既統籌, 就要交俾安琪喇!! 唔知邊個球技最差呢?? 哈哈, 一定有我份!!

舊年既白色情人節, 大少你送我朱古力玫瑰花, 心意足夠, 然後是二人晚餐, 最後你更迫我西灣河行返去炮台山!! 不過當時既關係係朋友, 係同事!!

今年, 起身, 行落北角食野, 跟住買野返屋企............冇喇...

星期日, 睇左一場龍珠, 返左去我屋企食飯....不過我都覺得滿足....唔係白色情人節都唔弱, 北角行到落銅鑼灣!!

下年大少你會同我去邊度行???

多謝大少親手整既花花,

多謝大少搵左間咁好既餐廳,

多謝大少陪我睇"The Bride War"

第一次 真心覺得滿足的情人節,

第二年, 你既難度咪會高左囉!!

係唔係老本行先岩我呢??

終於立春喇, 運氣真的會開始好嗎?? 期望係啦!!

立春第一日, 我返多左一日工, 我相信係一個好開始.......

利事, 經過証實, 真係十年先可以開, 算啦, 都等到初十, 唔爭好多, 等埋佢!!!

今日, 去左拎左我本"蝕", 開心到我呢~~ 我要重新, 書名係跟天文現象去改, 所以係"日蝕, 月蝕, 個蝕", 而唔係虧蝕個蝕!!!